Featured

Fantasy Premier League Sign Up လုပ်ရန်

Fantasy Premier League ကစားမယ်ဆိုရင်တော့ Gmail, Webmail, Email တခုခုရှိဖို့ လိုအပ်ပါတယ်။ Gmail ရှိပါက https://fantasy.premierleague.com ကိုဝင်ပါ။Gmail မရှိပါက https://accounts.google.com/signup/v2/webcreateaccount?hl=en&flowName=GlifWebSignIn&flowEntry=SignUp မှာ အကောင့်ဖွင့်ပြီး ဝင်ရောက်နိုင်ပါတယ်။

link ကိုဝင်လိုက်ရင် အခုလို တွေ့ရမှာပါ

Sign Up နှိပ်ပါ။

Next ကိုနှိပ်ပါ။
မရွေးလည်း ရပါတယ်။
Next ကိုနှိပ်ပါ
Complete Registration ကိုနိပ်ပါ။

Sign Up လုပ်ပြီးပါပြီ Activate လုပ်ရန် အတွက် မိမိအကောင့် ဖွင့်ခဲ့သော Email ထဲသို့ ဝင်ပါ ။ Premier League မှ Activate လုပ်ရန် Mail ဝင်နေပါလိမ့်မယ် ။မတွေ့ရပါက Mail Spam list ထဲသို့ ဝင်ကြည့်ပါ။

Login ဝင် ကစားသမား ဝယ်ယူပြီး စတင် ကစားနိုင်ပါပြီ ။

CUP

ဖလားပွဲကတော့ ပွဲစဥ် ၁၇ ကစမှာ ဖြစ်ပါတယ် ။ ဖလားပွဲ ပါဝင်နိုင်ရန် FPL ရဲ့ ပွဲစဥ် ၁၆ ရဲ့ ရမှတ်က Overall rankမှာ အနည်းဆုံး ၄,၁၉၄,၃၀၄ မှာ ရှိဖို့ လိုပါတယ် ( ၂၀၂၀/၂၁ အတွက် သတ်မှတ်ချက်ပါ နှစ်အလိုက် ကစားသမား အရေအတွက်အလိုက် ပြောင်းလဲနိုင်ပါတယ် )။ Active မဖြစ်တော့တဲ့ ကစားသမားနဲ့ ဖလား ပြိုင်ပွဲ ဝငိရောက် ယှဥ်ပြိုင်ဖို့ အရည်အချင်း မရှိတဲ့ အခြေ အနေတခုလို့ သတ်မှတ်တာ ဖြစ်ပါတယ်။

ပွဲစဉ် ၁၇ ကနေ နောက်ဆုံး ပွဲစဥ် ၃၈ ထိ ကစားရမှာဖြစ်ပြီး ဖလား ချန်ပီယံ ဖြစ်မှာပါ ။ ရှုံးထွက်ပွဲစဥ် အတွင်း သရေ သို့ အရှုံးဆိုရင်တော့ ဖလားပြိုင်ပွဲမှ ထွက်ရမှာပဲ ဖြစ်ပါတယ်။

ဖလားပွဲ ချန်ပီယံ အတွက် ရမဲ့ ဆု ဖြစ်ပါတယ်။

Chip ဆိုတဲ့ မှော်ခလုတ်

Chip ဆိုတာကတော ပြိုင်ပွဲအတွင်း အသုံးပြုလို့ရတဲ့ မှော်ခလုတ်လေးတွေ ဖြစ်ပါတယ်။ Chip ၄ မျိုးရှိပြီး တပွဲကို တမျိုးသာ အသုံးပြုနိုင်မှာ ဖြစ်ပါတယ်။ မှော်ခလုတ်လေးတွေကတော့

  1. Bench Boost
  2. Triple Captain
  3. Free Hit
  4. First Wildcard
  5. Second Wildcard တို့ပဲ ဖြစ်ပါတယ်။

BENCH BOOST

Bench boost ဆိုတာကတော့ အရန်ကစားသမား တွေရဲ့ အမှတ်စာရင်းတွေကိုပါ ထည့်ပေါင်းပြီး ၁၅ ယောက်လုံးရဲ့ အမှတ်စာရင်း အကုန်ရမှာပါ ။

TRIPLE CAPTAIN

Triple Captain ကတော့ အသင်းခေါင်းဆောင် ပေးတဲ့သူရဲ့ အမှတ်က သုံးဆ ရရှိမှာ ဖြစ်ပါတယ်။ အသင်းခေါင်းဆောင် မပါခဲ့ရင် ဒုအသင်းခေါင်းဆောင်က အမှတ် သုံးဆ ရရှိမှာပါ။ ဒုအသင်းခေါင်းဆောင်ပါ မပါခဲ့ရင်တော့ အကျုံးဝင်မှာ မဟုတ်တော့ပါ။

FIRST WILDCARD

Wildcard ဆိုတာကတော့ ကစားသမား ဘယ်နှစ်ယောက်လဲလဲ အမှတ်မလျော့ပါဘူး ။ Deadline မတိုင်ခင်ထိ စိတ်ကြိုက်လဲလှယ်ခွင့်ရှိပါတယ် ။ ပထမရာသီဝက် မတိုင်ခင် အသုံးပြုလို့ ရမှာ ဖြစ်ပြီး ၂၀၂၀/၂၁ အတွက်ကတော့ 20-Dec-2020 နေ့ထိ နောက်ဆုံးအသုံးပြုရမှာပါ ။အကယ်၍ မသုံးခဲ့ရင်တော့ First Wildcard သက်တမ်းကုန်ဆုံးသွားမှာပါ။ ရာသီဝက် ပြန်စခဲ့ရင် First Wildcard က အသုံးပြုလို ရမည်မဟုတ်ပါ။

SECOND WILDCARD

Second wildcard ကတော့ ဒုတိယရာသီဝက် နောက်ပိုင်း သုံးလို့ရမှာ ဖြစ်ပါတယ်။

🤣 အသင်းခေါင်ဆောင် အနီကဒ် ထိသောအခါ

Chip တွေကို သုံးတဲ့ အခါမှာ တကယ်ကို ထိထိရောက်ရောက် သုံးနိုင်ရင်တော်တော်လေးကိုအကျိုးရှိပါတယ်။

တပတ်အတွင်း နှစ်ပွဲ ကန်ရမဲ့ ပွဲစဥ်တွေ ၊ ပထမ ရာသီဝက် နောက်ဆုံးပွဲစဥ် Boxing Day တွေမှာ တကယ်ကို အသုံးဝင်ပါတယ်။ သေချာစဥ်းစားပြီး Chip တွေကို မှော်ဆန်စွာ အသုံးပြုနိုင်ပါစေဗျာ။

FPL League တခု တည်ဆောက်ခြင်း

ကိုယ်ဘော်ဒါ မိတ်ဆွေ အပေါင်းအသင်းတွေနဲ့ သီးသီးသန့်သန့်ကစားမယ်ဆိုရင်တော့ ကိုယ်ပိုင် League တခုရှိဖို့လိုအပ်ပါတယ်။ Public League နဲ့ Private League ဆိုပြီး နှစ်မျိုးရှိပါတယ်။ Public League ကတော့ Official ကလုပ်ပေးထားတာကြောင့် အလွယ်တကူ ဝင်ရောက်နိုင်ပါတယ်။ Private league ဆိုရင်တော့ ကစားမယ်ဆို league code လိုပါတယ်။ ဒီနေရာမှာ တခုပြောချင်တာက Public ပဲဖြစ်ဖြစ် Private ပဲဖြစ်ဖြစ် ကစားနည်းနှစ်နည်းနဲ့ ကစားလို့ရပါတယ်။ Classic နဲ့ Head to Head ဆိုပြီးတော့ပါ။

CLASSIC

League ထဲက အသင်းတွေရဲ့ အမှတ်အများဆုံးကနေစပြီး ကြီးစဥ်ငယ်လိုက် စီတာပါ

Classic Table

GW ကတော့ လက်ရှိပွဲ ရမှတ်ဖြစ်ပြီး TOT ကတော့ ပွဲစဥ် အားလုံးပေါင်း ရမှတ်ပါ။ Fantasy Premier League ကနေ Week Prize ကနေ ပွဲစဥ်အပြီး Overall Prizes ကို အခုရမှတ်ကနေ ပေးတာဖြစ်ပါတယ်။ ဆုဘယ်လိုပေးလဲဆိုတာကိုတော့ https://fantasy.premierleague.com/prizes မှာ အသေးစိတ် ကြည့်လို့ရပါတယ်။

HEAD TO HEAD ( H2H )

League ထဲက အသင်းတွေကို ပွဲစဥ်ဇယား တခုဆွဲပြီးတော့ အသင်းလိုက် ထိပ်တိုက်ရင်ဆိုင်ရတာ ဖြစ်ပါတယ်။ England Premier League ပွဲစဥ် ၃၈ ပွဲအတိုင်း ကိုယ်အသင်းက Game week ဘယ်လောက်မှာ ဘယ်အသင်းနဲ့ ပြိုင်ရမလဲဆိုတာကို ပွဲစဥ်ဇယားဆွဲပေးထားတာ ဖြစ်တာကြောင့် ကြိုတင်ခန့်မှန်းပြီး ကစားလို့ရတာမို့ H2H ကလူကြိုက်များပါတယ်။

H2H Game week result
H2H ရဲ့ အမှတ်ပေးဇယား တခုပါ

H2H က အခုလိုပုံစံပါ။

Public League ကစားမယ်

Browser တခုခုမှနေ၍ Login ဝင်ပြီးသွားပြီဆိုရင် More ထဲဝင်ပြီး Leagues ကိုရွေးပါ။

For Browsers
For Browser

Join public league ကိုရွေးပါ။

For Browser

Join classic league သို့ Join Head to Head ကြိုက်နှစ် သက်ရာရွေးပါ။ သတိထားရမှာက နှစ်ခုပေါင်း ၅ ခုပဲ ကစားလို့ရမှာကိုပဲ ဖြစ်ပါတယ်။

Public ကို League ခြောက်ခုမှာ ကစားခွင့်ပေးထားတယ် ဆိုပေမဲ့လည်း Global Leagues ကို Auto Join ထားတာဖြစ်တဲ့အတွက် နောက်ထပ် ငါးခုသာ ချိတ်လိုရတာဖြစ်ပါတယ်။

အောက်ကတော့ Phone ကနေဝင်တဲ့ ပုံစံပါ ။ Download လုပ်လိုပါက https://www.premierleague.com/pl-app ကနေ ယူလို့ရပါတယ်။

For Smartphones

More ထဲဝင်ပြီး Sign in လုပ်ပါ။

For Smartphones

Fantasy ကိုရွေးပါ။ Join FPL League ကိုရွေးပါ ။

For Smartphones

Classic သို့ Head to Head နှစ်မျိုးပေါင်း ငါးခုကိုရွေးပြီး ကစားနိုင်ပါပြီ။

Private League

Public ဝင်သည် ပုံစံနှင့် တူတူဖြစ်ပါသည်။ Private League လုပ်ပါက Browser ကနေသာ ဝင်ပါ ။ login >> More >> league >>Create and join new league စသဖြင့် ဝင်ပါ။

မိမိကစားလိုတဲ့ ကစားနည်းကိုရွေးပါ ။ Create classic league သို့ Create head-to-head league

Private Classic League

League name နေရာမှာ ကြိုက်နှစ်သက်ရာ အမည် ထည့်ပါ။ Create league ကို နှိပ်ပါ။

Private H2H League

League name ထည့်ပါ။ Game week1 မှ မှီခဲ့လျင် Game week 1 ကိုရွေးပါ ၊မမှီခဲ့လျင်လည်းစမည့် Game week တခုကို ရွေးပါ။ Maximum size မှာ ကစားမည့် အသင်းအရေအတွက်ကို ထည့်ပါ ၁၆ သင်း အထက် ကစားမည်ဆိုပါက Unlimited ကို ရွေးပါ ။

Knockout rounds ( None )

None ကို ရွေးထားပါက England Premier League Table ကဲသို့ အသင်းအားလုံးက ပွဲစဥ် ၃၈ ပွဲပြီးတဲ့အထိ ပြိုင်ဆိုင်ရမှာ ဖြစ်ပါတယ်။

Knockout (1or2or3 )

Knockout ထဲမှာ ရွေးထားမယ်ဆိုရင်တော့ ရှံးထွက်ပုံစံတမျိုးနဲ့ ပြိုင်ရမှာပါ။ (1) ကိုရွေးထားမယ်ဆိုရင် ပွဲစဥ် ၃၈ မှာ တစ် နဲ့ နှစ် နေရာ ရထားတဲ့ အသင်းကသာ Final အဖြစ် နောက်ဆုံးပွဲကန်မှာ ဖြစ်ပြီး ၊ ( 2 ) ဆိုရင် ပွဲစဥ် ၃၇ မှာ ထိပ်ဆုံးလေးသင်းက Semifinals ပုံစံ ကန်ရမှာ ဖြစ်ပါတယ်။ ( 3 ) ဆိုရင်တော့ ပွဲစဥ် ၃၆ မှာ ထိပ်ဆုံး ရှစ်သင်းက Quarter > Semifinals > Final စသည်ဖြင့် ကန်ရမှာ ဖြစ်ပါတယ်။

H2H မှာ Knockout(None) ကိုပဲဆော့ဖြစ်တယ်ဗျ ဘာလိုလဲဆိုတော့ ပွဲစဥ် အကုန်လုံးမှာ အသင်းအကုန်လုံးက အသက်ရှိနေလိုပါ။

League code

Private league ထောင်ပြီးသွားရင် တခြား မိတ်ဆွေ အပေါင်းအသင်း ဝါသနာတူတွေကို တူတူဆောလို့ရအောင် Invite code ပို့ပေးရပါတယ် အဲ့ဒါမှ တခြားသူတွေက ကိုယ့် League ကို Join လို့ရမှာ ဖြစ်ပါတယိ။

ယခင်အတိုင်း more >> leagues >> ဝင်ပြီးပြီဆိုရင်တော့ အပေါ်က ပုံအတိုင်းတွေရပါမယ် ။ Code လိုချင်တဲ့ League Name( ဥပမာ- အချောကြီးတွေ) ကို နှိပ်လိုက်ပါ ။

Invite people to join this league ကိုနှိပ်ပါ

ရလာတဲ့ Code နဲ့ တခြားသူတွေကို မိမိ League ကိုဖိတ်ခေါ်ပြီး ပြိုင်ပွဲစလို့ရပါပြီ..

FPL စည်းကမ်းချက်များ

ကစားသမား နေရာချထားမှု ( Pick Team)

ကစားသမား ဝယ်ယူမှု ၊အသင်း ခေါင်းဆောင် နဲ့ ဒုတိယ အသင်းခေါင်းဆောင် ရွေးချယ်မှု ၊အရန်ကစားသမား နေရာချထားမှုတွေက FPLမှာတကယ်ကို အရေးပါပါတယ် ။

ကွင်းလည်မှာရှိတဲ့ ကစားသမား ၁၁ ဦးရဲ့ ရမှတ်အားလုံးကိုပေါင်းပြီး ပွဲတပွဲရဲ့ အမှတ်စာရင်း ဖြစ်လာမှာပါ။ အပြင်ဘက်က ၄ ဦးကတော့ အရန်စာရင်းပဲ ဖြစ်ပါတယ်။

အသင်းခေါင်းဆောင် ရွေးချယ်မှု ( C )

အသင်းခေါင်းဆောင် ပေးချင်တဲ့ ကစားသမားကို နှိပ်လိုက်ပါ။ပြီးရင် Captain or Vice Captain ကို အမှန်ပေးပြီး Confirm ကိုနှိပ်ပါ။ Full Profile ကိုနှိပ်ပြီး ပြီးခဲ့တဲ့ ပွဲတွေရဲ့ စွမ်းဆောင်ရည်ကို ကြည့်နိုင်ပါတယ်။

အသင်းကစားသမားရွေးချယ်မှုပြီးရင် အသင်းခေါင်းဆောင် (C) ရွေးချယ်ရတာက အရေးကြီးဆုံးပါပဲ ။ အသင်းခေါင်းဆောင် (C) က အမှတ်နှစ်ဆ ပိုရပါတယ် ဥပမာ ရမှတ် ၁၀ မှတ်ဆို နှစ်ဆ ၂၀ ဖြစ်သွားမှာပါ။ အမှတ်အများဆုံးရနိုင်တဲ့ ကစားသမားကို အသင်းခေါင်းဆောင်ပေးနိုင်လေ အသင်းနိုင်ဖို့ အခွင့်အရေးများလေ ဖြစ်တာကြောင့် သေချာစဥ်းစားပြီ ရွေးချယ်ပါ။

ဒုတိယ အသင်းခေါင်းဆောင် (V)

တခါတလေ ကိုယ်ပေးထားတဲ့ အသင်းခေါင်ဆောင်က မပါလာတာ ရှိတတ်ပါတယ်။ အဲလိုအချိန်ဆိုရင်တော့ ဒုတိယ အသင်းခေါင်းဆောင်က အလိုအလျောက် ( C ) နေရာကိုရပြီး အမှတ်နှစ်ဆ ရသွားမှာဖြစ်ပါတယ်။

အရန်အသင်း

မထင်မှတ်ပဲ ကစားပွဲ အခြေအနေကို ပြောင်းနိုင်တဲ့ အထဲမှာ အရန်စာရင်း လူ နေရာချထားမှုက အရေးပါပါတယ် ။ H2H ပွဲတွေမှာ အရန်စာရင်းနေရာချတာ ကောင်းလို့ နိုင်ပွဲရသွားတာတွေ အများကြီးရှိပါတယ်။ ဒါကြောင့်မို့ ကစားသမား နေရာချပြီးရင် အရန်လူစာရင်းကို သေချာ ပြန်စစ်ဖို့ မမေ့ပါနဲ့ ။

အရန်စာရင်းက ပထမ နေရာချထားတဲ့ ကစားသမားက ကွင်းတွင်းမပါတဲ့ ကစားသမားနေရာကို အစားဝင်ရမှာပါ။အရန် အသင်းနေရာချထားပုံကတော့ ဂိုးသမား (GKP) ကတော့ ပုံသေနေရာ ရှိတဲ့အတွက်ကြောင့် ထည့်မရေပဲ ၎င်းနောက်မှ အစီအစဥ် အလိုက် ဦးစားပေး စာရင်း ဖြစ်ပါတယ်။

အရန်အသင်းမှ လဲလှယ်လိုတဲ့ ကစားကို နှိပ်ပါ Substitute ကိုနှိပ်ပါ ။

အနီရောင် ပေါ်နေတဲ့ အထဲကမှ လဲလှယ်လိုတဲ့ ကစားသမားကို နှိပ်ပါ ။Confirm နှိပ်ရင်ရပါပြီ။ အရန်ကစားသမား အချင်းချင်းလည်း နေရာ ရွေပြောင်းနိုင်ပါတယ်။

အခုမှ စဆော့မယ်ဆိုရင်တော့ အောက်က Link များမှာ သွားကြည့်နိုင်ပါတယ်။

ကစားသမား ဝယ်ယူခြင်း

Fantasy Premier League ကို Sign Up လုပ်ပြီးလို့ Login ဝင်လိုက်ပြီ ဆိုတာနဲ့ ပေးထားတဲ့ ငွေ ၁၀၀ နဲ့ ကစားသမား ၁၅ ယောက်ဝယ်ယူရမှာ ဖြစ်ပါတယ်။ Sign Up မလုပ်ရသေးပါက အောက်ပါ Link များမှ ကြည့်ပြီး လုပ်နိုင်ပါတယ်။

ကစားသမား ၁၅ ယောက် ကို ပေးထားတဲ့ ၁၀၀ နဲ့ ဝယ်ရမှာ ဖြစ်ပါတယ်။

Pitch view ကိုပဲရွေးထားပါ။ ကစားသမားတွေပေါ်က အပေါင်း လက္ခဏာလေးတွေကို ထောက်ပြီး သက်ဆိုင်ရာ နေရာ အတွက် ရွေးချယ်နိုင်ပါတယ်။ Auto Pick ကိုနှိပ်ပြီးရွေးချယ်မယ် ဆိုပါက ကစားသမားတွေကို အလိုအလျောက် ရွေးချယ်ပေးမှာပါ။ စိတ်ကြိုက် ကစားသမား ၄ ၊ ၅ ယောက်လောက်ထည့်ပြီး Auto Pick ကိုနှိပ်ပြီးလည်း ရွေးချယ်နိုင်ပါတယ်။

သတ်မှတ်ငွေထက်ပိုရွေးချယ်ထားမှု
သတ်မှတ် ကစားသမားဦးရေ ပိုရွေးချယ်ထားမှု

သတ်မှတ်ငွေ ၁၀၀ ထက်ပိုမို ရွေးချယ်ထားမယ် (သို့) Premier League တသင်းထဲကမှ ကစားသမား သုံးဦးထက် ပိုမို ရွေးထားမယ် ဆိုပါက Enter Squad ကို နှိပ်လို့ ရမည်မဟုတ်ပါ။ အားလုံးမှန်မှန်ကန်ကန် ရွေးချယ်ပြီးပါက Enter Squad ကို နှိပ်လိုက်ပါ ။ အသင်းအတွက် ကစားသမား ရွေးချယ်မှု အောင်အောင်မြင်မြင် ပြီးသွားပြီ ဖြစ်ပါတယ်။

ရွေးချယ်ပြီးတဲ့ ကစားသမားတွေကို England Premier League မစတင်ခင် ၂ နာရီအထိ လဲလှယ်ခွင့် ရှိပါတယ် ။ အကယ်၍ Premier League ကစနှင့်နေပြီး နောက်ကျမှ Account ဖွင့်ခဲ့တယ် ဆိုရင်တော့ နောက်တပွဲမစခင် ၂ နာရီအထိ လူလဲလို့ ရပါတယ်။အောက်မှာ ဆက်လက်ပြီး Design your kit မှနေ၍ အသင်းဝတ်စုံကို ကလိလိုရပါသေးတယ်ခင်ဗျ။ နောက် Post တွေမှာ Fantasy premier league ရဲ့ တခြား သိရမဲ့ အရာလေးတွေ တင်ပေးမှမို့ မကြာခဏ လာရောက်ဖို့ ဖိတ်ခေါ်ပါတယ် ။

Design a site like this with WordPress.com
Get started